Ang Reklamo Sang Tawo nga Nakakita sang Pispis/Alibangbang nga Nasulod sa Hawla sa Pila na ka Tu-ig

Isa bala ina ka pispis o isa ka alibangbang
ang nakapreso sa sulod sang isa ka gamay kag tuktukon nga hawla?

Gagamay na kag gasakit ang akon nga mga mata.
Pero kung ano man siya nga klase sang nilalang,
isa lang ang maintindihan ko sa iya -
Gusto niya buksan sang iya dupol nga baba ang nakakandado nga hawla.

Nagapangabudlay siya palak pero indi ina matalunpangdan
sang iya tambok nga amo (nga daw wala kapaligo ang tsura)
kay kagamay sang lugar nga iya ginapalakan.

Malupad siya.
Pero paano kay indi siya gani kapalak sang sakto.
Indi niya man gani mabuksan maayo
ang malapad niya nga "neon green and pink" nga pakpak.

Asta san-o siya magpangabudlay?
Asta maglunay ang hawla pero indi niya na matuka (kung pispis gid man siya)
kay tigulang na siya?

San-o siya pwede ka gwa?
Kung patay na ang iya amo kag
asta siya mismo mapatay lang man nga
wala ya napalupad ang iya kaugalingon?